Ukrayna Prezident Ofisinin rəhbəri (keçmiş Baş Kəşfiyyat İdarəsinin rəisi) Kirill Budanovun ötən yay Qara dənizdəki qaz qüllələrində keçirilən əməliyyatda iştirak etdiyi məlum olub.
Musavat.com xəbər verir ki, əməliyyat zamanı Budanovun təhlükəli anlar yaşadığını əks etdirən görüntülər yayılıb.
Ukrayna "Telegram" kanalları tərəfindən paylaşılan kadrlarda Rusiya pilotsuz uçuş aparatlarının (PUA) yaxınlaşması səbəbindən Budanovun özünü qüllədən suya atdığı anlar əks olunub.
Hadisənin xüsusi əməliyyatın gedişatında, kəşfiyyat qrupunun hədəfə alındığı vaxt baş verdiyi bildirilir.
Musavat.com
