Cebheinfo saytından verilən məlumata əsasən, ain.az məlumatı açıqlayır.
“YouGov” tərəfindən nəticələri ictimaiyyətlə paylaşılan sorğuya əsasən, Birləşmiş Krallıq əhalisinin 63 faizi Avropa İttifaqına (Aİ) yenidən qoşulmaq istədiyini bildirib.
"Cebheinfo.az" xəbər verir ki, 16–17 aprel tarixlərində 2 min 104 nəfər arasında keçirilən araşdırmada Birləşmiş Krallıq əhalisinin 63 faizi Aİ-yə geri dönmək istədiyini, 37 faizi isə mövcud vəziyyətin qalmasını üstün tutduğunu qeyd edib.
Yanvar ayı ilə müqayisədə Aİ-yə qayıtmaq istəyənlərin payında 2 faiz azalma, mövcud vəziyyətin qalmasını istəyənlərin payında isə 2 faiz artım müşahidə olunub.
Xatırladaq ki, Birləşmiş Krallıqda 2016-cı ildə keçirilən Brexit referendumu zamanı seçicilərin 51,9 faizi Aİ-dən ayrılmaq istiqamətində səs vermişdi.
İngiltərə və Uelsdə çoxluq ayrılmanı dəstəkləyərkən, Şotlandiya, Şimali İrlandiya və Cəbəllütariq Aİ-də qalmağın tərəfdarı olmuşdu.
Referendumun nəticəsi olaraq 31 yanvar 2020-ci ildə Birləşmiş Krallıq rəsmi şəkildə Aİ-dən ayrılmışdı.
Nigar Hacılı
"Cebheinfo.az"
Problemlərinizi bizə yazın, şahidi olduğunuz hadisələri çəkib göndərin
Daha ətraflı məlumat və yeniliklər üçün ain.az saytını izləyin.
