Evi ola-ola evsiz qaldığını iddia edir...
Xezerxeber.az xəbər verir ki, hadisə paytaxtın Sabunçu rayonu Zabrat qəsəbəsi Aşıq Alı küçəsinin sakini Sevda Bayramovanın başına gəlib. Dediyinə görə, 6 sot torpaq alıb 2013-cü ildə iki övladı üçün ayrı-ayrı ev tikib. 2023-cü ildə qapısı döyülən ailəyə evinin digər sahibi olduğu bildirilib.
Bir həyətdə iki ayrı-ayrı ev tikdiyini bildirən Sevda Bayramova qeyd edib ki, 2023-cü ildə naməlum şəxslər onun yaşadığı evi tərk etməsini tələb edib. Belə ki, Sevda xanımın kiçik oğlu torpağı girov qoyub pul götürüb. İddiasına görə, övladı borcunu ödəsə də, girov qoyduğu torpağın sənədi dəyişdirilib. Bundan sonra onlara məxsus iki ev Emin Rəsulov və Mübariz Bəbirov vasitəsi ilə Tofiq Səmədov və Səbuhi Abbasova satılıb.
Xezerxeber.az mövzu ilə bağlı daha ətraflı videomaterialı təqdim edir.
