Valideynlər üçün uşaqları həm əyləndirmək, həm də onlara faydalı vərdişlər aşılamağın ən dadlı yolu mətbəxdən keçir.
Pravda.az uşaqların böyüklərin nəzarəti ilə rahatlıqla hazırlaya biləcəyi reseptləri təqdim edir:
Meyvəli yoqurt kubları: Təzə meyvələrin yoqurtla qarışdırılıb dondurulması ilə hazırlanan bu desert həm sağlam, həm də sərindir.
Rəngli sandviçlər: Müxtəlif tərəvəzlərdən istifadə edərək hazırlanan "heyvan fiqurlu" sandviçlər uşaqların iştahını açır.
Ev üsulu mini pizzalar: Hazır lavaş və ya çörək dilimləri üzərinə pendir və pomidor əlavə edilərək hazırlanan sürətli qəlyanaltılar.
Bananlı "dondurma": Dondurulmuş bananların blenderdən keçirilməsi ilə alınan təbii və şəkərsiz şirniyyat.
Niyə birlikdə bişirməliyik?
Mütəxəssislər qeyd edir ki, uşaqların yemək hazırlama prosesində iştirak etməsi onlarda özünəinamı artırır, motor bacarıqlarını inkişaf etdirir və yeni dadlara qarşı olan qərəzləri (yemək seçmək vərdişini) azaldır.
Əminə Bayramova
