Bakı, 24 aprel, AZƏRTAC
Azərbaycan Qida Təhlükəsizliyi İnstitutu (AQTİ) regionlarda (Xaçmaz, Şamaxı, Salyan, Tovuz, Ucar, Bərdə) epidemioloq vəzifəsinə peşəkar kadrları işə dəvət edir.
İnstitutdan AZƏRTAC-a verilən məlumata görə, namizəd üçün aşağıdakı tələblər nəzərdə tutulur.
- Ali tibbi təhsil (həkim, epidemiologiya, gigiyena və ya tibbi profilaktika ixtisası üzrə);
- Qida mənşəli xəstəliklər və zəhərlənmələr üzrə araşdırma aparmaq bacarığı;
- Epidemioloji nəzarət prinsipləri, xəstəliklərin yayılma dinamikası və risk analizi üsulları haqqında biliklər;
- Kompüter, statistika və məlumat bazaları ilə işləmə bacarığı.
Vəzifə öhdəlikləri aşağıdakılardan ibarətdir:
- Regionlarda qida mənşəli xəstəliklər və kütləvi zəhərlənmə hadisələri üzrə epidemioloji araşdırmalar aparmaq;
- Epidemioloji məlumatları toplamaq, emal və təhlil etmək, hesabatlarını hazırlamaq;
- Qida zəncirinin müxtəlif mərhələlərində yoluxucu xəstəliklərin yayılma risklərini qiymətləndirmək;
- Laborator nəticələrlə epidemioloji məlumatları inteqrasiya və interpretasiya etmək;
- Epidemioloji nəzarət və erkən xəbərdarlıq sistemlərinin təkmilləşdirilməsi üzrə təkliflər hazırlamaq;
- Qida təhlükəsizliyi sahəsində epidemioloji risklərin idarə olunması üzrə təlimat və tövsiyələr hazırlamaqda iştirak etmək.
Göstərilən tələblərə cavab verən namizədlərdən CV-lərini mövzu hissəsinə “Epidemioloq” qeyd edərək [email protected] ünvanına göndərmələri xahiş olunur.
Müraciət üçün son tarix mayın 24-dür.
