ain.az, Banco.az saytına istinadən bildirir.
Müəllif: Tamara Mustafayeva, Banco.az
“Renault Group” ilin birinci rübündə ümumi gəlirini 7,3 faiz artıraraq 12,5 milyard avroya çatdırıb.
Banco.az xəbər verir ki, fransız avtomobil istehsalçısı “Renault Group” ilin birinci rübünə aid maliyyə nəticələrini açıqlayıb.
“Renault Group” 2026-cı ilin ilk rübündə güclü artım tempini qoruyaraq ümumi gəlirini illik müqayisədə 7,3 faiz artıraraq 12,5 milyard avroya çatdırıb. Qrupun gəliri bu dövrdə 12 milyard 530 milyon avro təşkil edib, sabit məzənnələr əsasında isə artım 8,8 faiz səviyyəsinə yüksəlib. Bu artımda avtomobil fəaliyyəti ilə yanaşı, “Mobilize Financial Services” bölməsinin güclü göstəriciləri mühüm rol oynayıb.
“Renault Group”un avtomobil sahəsindən əldə etdiyi gəlir ilin ilk rübündə illik müqayisədə 6,5 faiz artaraq 10 milyard 807 milyon avroya yüksəlib. Sabit məzənnə əsasında bu sahədə artım 8 faiz təşkil edib.
“Mobilize Financial Services”in gəliri isə eyni dövrdə 13 faiz artaraq 1 milyard 723 milyon avroya çatıb. Sabit məzənnələrə görə bu sahədə artım 14,1 faiz olub.
“Renault Group” 2026-cı ilin birinci rübündə ümumilikdə 546 min 183 ədəd satış həyata keçirib. Bu göstərici “Dacia” tərəfdə baş verən birdəfəlik təsirlərin əks olunması nəticəsində illik müqayisədə 3,3 faiz azalma deməkdir.
Bizi sosial şəbəkələrdən izləyin!!
Daha ətraflı məlumat və yeniliklər üçün ain.az saytını izləyin.
