ain.az xəbər verir, Moderator.az saytına əsaslanaraq.
Samaranın sabiq meri Viktor Tarxovun qətli ilə bağlı cinayət işində onun nəvəsi Yekaterina Tarxovaya qarşı ittiham yenidən təsnifləndirilib.
Moderator.az xəbər verir ki, bu barədə Rusiya İstintaq Komitəsinin mətbuat xidməti məlumat yayıb.
Bildirilib ki, qətl ittihamı ilə yanaşı, ona mərhum merin və həyat yoldaşının cəsədlərinə qarşı təhqiredici hərəkətlər etmə maddəsi də əlavə olunub.
İstintaqın məlumatına görə, 2024-cü il noyabrın 25-dən 2025-ci il yanvarın 2-dək Yekaterina Tarxova və Dmitri Metreveli keçmiş meri və onun həyat yoldaşını zəhərləyərək qətlə yetirib. Daha sonra onlar cəsədləri donduraraq hissələrə bölüb və qalıqları tullantı qablarına atıblar. Qətlin sifarişçisi kimi Svetlana Metreveli göstərilir.
Məlumata əsasən, ötən il yanvarın 31-də Tarxovun dostu ər-arvadın itkin düşməsi barədə məlumat verib. Bundan sonra iki nəfərin qətli maddəsi ilə cinayət işi başlanıb və əsas şübhəli kimi nəvə müəyyən edilib.
Svetlana və Dmitri Metreveli hazırda xaricdə olduqları üçün beynəlxalq axtarışa veriliblər. Bildirilir ki, qətldən sonra Yekaterina Tarxova zərərçəkənlərin əmlakını, o cümlədən avtomobili satıb.
Rusiya İstintaq Komitəsi qeyd edib ki, iş üzrə bütün iştirakçılara ağırlaşdırıcı hallarda qətl, cəsədlərin təhqiri, oğurluq və dələduzluq maddələri ilə ittiham irəli sürülüb. Bundan əlavə, əmlakın qəsdən məhv edilməsi, sənədlərin oğurlanması və saxtalaşdırılması ilə bağlı epizodlar da araşdırılır.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
