Rusiyada PUA hücumlarının nəticələri ilə bağlı foto və videoların mediada, eləcə də internet resurslarında yayılmasına qadağa qoyulub. Vətəninfo.az xəbər verir ki, məlumatı yalnız dövlət orqanlarına istinadən yaymaq olar.
2025-ci ilin avqust ayının sonunda TASS-ın hesablamalarına görə, belə qadağalar Rusiyanın 33 regionunda qüvvədə idi.
Bu qadağa Mərkəzi, Volqa və Cənub Federal Dairələrinin bütün regionları tərəfindən tətbiq olunub.
Şimali Qafqaz Federal Dairəsində məhdudiyyətlər yalnız Kabardin-Balkar və Karaçay-Çerkess Respublikalarında tətbiq olunmayıb. Şimal-Qərb Federal Dairəsində Murmansk, Kalininqrad bölgələri və Nenets Muxtar Dairəsində çəkilişlərə heç bir məhdudiyyət yoxdur.
