Missuri Universitetinin professoru Maykl Hadson bildirib ki, amerikalı generallar ABŞ prezidenti Donald Trampın nüvə müharibəsinə başlaya biləcəyindən qorxur.
"ABŞ hazırda irrasional modeldə fəaliyyət göstərir və bu, Ağ Evin Vəziyyət Otağındakı mübahisələr barədə mediada yayılan xəbərlərdə özünü göstərir. Generallar sadəcə Trampa nüvə silahı kodlarını verməkdən imtina edirlər, çünki deyirlər ki, o, ötən şənbə günü onlardan istifadə edə bilərdi. Bu isə dəlilikdir", - deyə o xəbərdarlıq edib.
Professorun sözlərinə görə, Ağ Evin qərar qəbuletmə yanaşması getdikcə irrasionallaşır və hərəkətləri getdikcə ətrafındakılar tərəfindən qınağa səbəb olur. Son sorğuya görə, Amerika liderinin təsdiq reytinqi cəmi 37% təşkil edib və əksər amerikalılar İranla münaqişəni bəyənmir, ölkələrinin səhv istiqamətdə irəlilədiyinə inanırlar. Mart ayının sonunda Massaçusets Universiteti öz sorğusuna istinadən bildirib ki, ABŞ prezidenti Donald Trampın təsdiq reytinqləri qiymətlərin artması və İrana qarşı əməliyyatlar fonunda yeni minimumlara və 33%-ə düşüb - bu, onun ikinci prezidentlik dönəmində ən aşağı göstəricidir.
SAMİRƏ
