Banco.az saytından alınan məlumata görə, ain.az bildirir.
Müəllif:Mehin Qasımova,Banco.az
ABŞ–İran gərginliyi fonunda qlobal neft bazarlarında baş verən dəyişikliklər valyuta bazarına da təsir göstərməkdə davam edir.
Banco.az xəbər verir ki, aparıcı beynəlxalq maliyyə institutları enerji ilə əlaqəli valyutalara üstünlük verilməsini tövsiyə edir.
"Deutsche Bank" və "JPMorgan Chase & Co" analitiklərinin fikrincə, Brent markalı neftin qiymətinin bir barel üçün 108 dollardan yuxarı qalxması Norveç kronu və Avstraliya dollarının möhkəmlənməsinə səbəb olub. Hər iki valyuta münaqişənin başlanmasından bu yana G10 ölkələri arasında ən yaxşı göstəricilərdən birini nümayiş etdirib. Norveç kronu təxminən 2,5%, Avstraliya dolları isə 1% dəyər qazanıb.
"JPMorgan" eyni zamanda Norveç kronunun İsveçrə frankı və Yaponiya yeninə qarşı daha üstün mövqedə olduğunu bildirir və bu istiqamətdə uzun mövqelər saxlayır.
Münaqişə başlayandan bəri avro təxminən 0,5% dəyər itirib. İndoneziya rupisi dollara qarşı 2,5%, Hindistan rupisi isə 3,4% ucuzlaşıb.
Ən güclü nəticə isə enerji ixracatçısı olan Qazaxıstanda qeydə alınıb. Bu ölkənin milli valyutası – tenge – təxminən 10% bahalaşaraq ən yaxşı performans göstərən valyuta olub.
Analitiklər hesab edir ki, Hörmüz boğazında gərginliyin davam etməsi və neft qiymətlərinin yüksək qalması enerji ilə bağlı valyutaların yaxın dövrdə də güclü qalmasına səbəb ola bilər.
Sonrakı hadisələr barədə daha çox məlumat almaq üçün ain.az saytını izləyin.
