ain.az bildirir, Redaktor.az portalına istinadən.
İran müharibə, yüksək inflyasiya və milli valyutanın sürətlə zəifləməsi fonunda iqtisadiyyata artan təzyiqləri azaltmaq üçün suveren sərvət ehtiyatlarından yenidən istifadə edib.
Redaktor.az xəbər verir ki, bu barədə rəsmi mənbələr məlumat yayıb.
Məlumata görə, hökumətin Qida Təhlükəsizliyi və Həyatın Yaxşılaşdırılması üzrə İşçi Qrupu Milli İnkişaf Fondundan şəkər, düyü, qırmızı ət və heyvan yemi kimi əsas idxal mallarının maliyyələşdirilməsi üçün 1 milyard dollar ayrılacağını açıqlayıb.
Qeyd olunur ki, bu addım əvvəlcədən idxal subsidiyalarının azaldılması planlarına baxmayaraq, onların davam etdirilməsi ilə bağlı daha geniş siyasi qərarın tərkib hissəsidir. Bildirilir ki, bu, son iki ildə fond vəsaitlərinin əsas idxalın maliyyələşdirilməsi üçün istifadə edildiyi ikinci haldır.
Məlumata əsasən, ehtiyatlarının təxminən 40 milyard dollar olduğu qiymətləndirilən fondun müharibədən zərər görmüş sənaye sahələrinin, xüsusilə polad və neft-kimya sektorunun bərpasına da dəstək verəcəyi gözlənilir.
Ekspertlər qeyd edir ki, bu vəziyyət ölkədə mövcud resursların prioritetləşdirilməsi ilə bağlı gərginliyin artdığını göstərir.
Aminə ŞAHSUVARQIZI
Sonrakı hadisələr barədə daha çox məlumat almaq üçün ain.az saytını izləyin.
