Hərbi Dəniz Qüvvələrinin komandanı yaxın zamanda “rəqibləri şoka sala biləcək” imkanlardan danışıb...
Poliqon xəbər verir ki, Iran Hərbi Dəniz Qüvvələrinin komandanı Şəhram İrani ölkənin yaxın zamanda yeni və təsirli silahdan istifadə edə biləcəyini bəyan edib. Onun sözlərinə görə, söhbət rəqiblərin ciddi narahatlığına səbəb ola biləcək hərbi texnologiyadan gedir.
“Çox yaxın zamanda onlar bizim ixtiyarımızda olan, çox qorxduqları və əslində elə burunlarının dibində yerləşən silahı mütləq görəcəklər. Ümid edirəm ki, bu, onlarda ürək tutması yaratmaz”, — deyə Şəhram İrani bildirib.
Ekspertlər qeyd edirlər ki, bu cür açıqlamalar Tehranın hərbi potensialını nümayiş etdirmək və psixoloji təsir yaratmaq məqsədi daşıya bilər. Xüsusilə regionda artan gərginlik fonunda İranın belə ritorikası rəqib ölkələrə mesaj kimi qiymətləndirilir.
Analitiklərin fikrincə, İranın hərbi texnologiyalar sahəsində irəliləyiş iddiaları və bu tip bəyanatlar Yaxın Şərqdə təhlükəsizlik mühitinə birbaşa təsir göstərərək, silahlanma yarışını daha da sürətləndirə bilər.
Poliqon.info
