Müəllif: Tamara Mustafayeva, Banco.az
ABŞ-da ilk rübdə güclü artım qeydə alınıb.
Banco.az xəbər verir ki, ABŞ Ticarət Nazirliyinin açıqladığı məlumatlara görə, iqtisadiyyat 2026-cı ilin birinci rübündə 2 faiz artıb. Bloomberg tərəfindən keçirilən sorğuda iştirak edən iqtisadçıların gözləntisi isə 2,3 faiz artım idi.
İqtisadi fəaliyyətin təxminən üçdə ikisini təşkil edən istehlak xərcləri xidmətlərə olan tələbin təsiri ilə 1,6 faiz artıb. Ötən ilin son rübündə bu göstərici 1,9 faiz olmuşdu.
Məlumat göstərir ki, Yaxın Şərqdəki münaqişənin neft qiymətlərini kəskin şəkildə artırmasına və qlobal təchizat zəncirlərini pozmasına baxmayaraq, iqtisadiyyat indiyədək sabitliyini qoruyub. Lakin geosiyasi vəziyyət inflyasiyanın təsiri altında olan istehlakçıların daha ehtiyatlı davranması halında iqtisadi artım perspektivlərini zəiflətmək riski yaradır.
ABŞ iqtisadiyyatı 2025-ci ilin dördüncü rübündə 0,5 faiz artım qeydə almışdı.
Bizi sosial şəbəkələrdən izləyin!!
