Banco.az portalından verilən məlumata görə, ain.az xəbər yayır.
Müəllif: Tamara Mustafayeva, Banco.az
ABŞ-da işsizlik müavinəti üçün müraciətlərin sayı 1969-cu ildən bəri ən aşağı səviyyədədir.
Banco.az xəbər verir ki, ABŞ Əmək Nazirliyi tərəfindən açıqlanan məlumatlara görə, işsizlik müavinəti üçün müraciətlər son illərin ən aşağı səviyyəsinə enərək məşğulluğun hələ də çox güclü olduğunu göstərib.
25 aprel ilə bitən həftədə ilk dəfə işsizlik müavinəti üçün müraciət edənlərin sayı 26 min azalaraq 189 minə düşüb.
Bloomberg tərəfindən keçirilən sorğuda iştirak edən iqtisadçıların median proqnozu müraciətlərin 212 min olacağı istiqamətində idi.
Bu göstərici 1969-cu ildən bəri qeydə alınan ən aşağı müraciət səviyyəsi kimi diqqət çəkib.
Müavinət alan ümumi şəxslərin sayını əks etdirən “davam edən müraciətlər” göstəricisində də oxşar azalma müşahidə olunub.
Bu göstərici əvvəlki həftədə 1,79 milyona enərək son iki ilin ən aşağı səviyyəsinə geriləyib.
Bizi sosial şəbəkələrdən izləyin!!
Daha ətraflı məlumat və yeniliklər üçün ain.az saytını izləyin.
