Senatdakı demokrat azlıq lideri Çak Şumer Prezident Donald Trampın İrana qarşı müharibənin bitməsi ilə bağlı Konqresə göndərdiyi məlumatı "cəfəngiyyat" adlandırıb.
Musavat.com xəbər verir ki, o, müvafiq mesajı X-də paylaşıb: "Bu, cəfəngiyatdır. Bu, qanunsuz bir müharibədir və respublikaçıların ona ortaq olduğu və onun davam etməsinə icazə verdiyi hər gün, həyatların təhlükə altında olduğu, xaosun artdığı və xərclərin artdığı bir gündür ki, amerikalılar bunun üçün pul ödəyirlər".
Qeyd edək ki, mayın 1-də Amerika lideri ABŞ Konqresinin rəhbərliyinə rəsmi olaraq Ağ Evin İranla müharibəni bitmiş hesab etdiyini bildirən məktub göndərib. Məktubda buna əsas kimi 7 apreldə qüvvəyə minən və sonradan uzadılmış atəşkəsi qeyd edib. Bu addım əsasən ABŞ hərbi qüvvələrinin xaricdəki münaqişələrdə istifadəsini tənzimləyən milli qanunvericiliyin müddəalarına riayət etmək zərurətindən irəli gəlib. ABŞ hökumətinin icra hakimiyyəti xaricdə qanunvericilik səlahiyyəti olmadan 60 gün müddətə hərbi qüvvələrdən istifadə etmək səlahiyyətinə malikdir. Bu, 1973-cü il ABŞ-ın Müharibə Səlahiyyətləri Qanununda nəzərdə tutulub. 1 may İranla müharibənin 60-cı günü idi və Ağ Ev münaqişədə iştirak etməyə davam etmək üçün Konqresdən icazə istəmədi. ABŞ Konstitusiyası müharibə elan etmək səlahiyyətini prezidentə deyil, Konqresə verir.
Musavat.com
