Türkiyədə hüquq-mühafizə orqanları genişmiqyaslı əməliyyat həyata keçirib.
BAKU.WS xəbər verir kiç, ölkənin Daxili İşlər Nazirliyinin yaydığı məlumata görə, eyni vaxtda 16 vilayəti əhatə edən əməliyyatlar çərçivəsində mütəşəkkil cinayətkar qruplara ciddi zərbə vurulub.
Rəsmi açıqlamada bildirilib ki, müxtəlif bölgələrdə fəaliyyət göstərən 16 ayrı cinayətkar dəstəyə qarşı keçirilən tədbirlər nəticəsində 198 şübhəli saxlanılıb. Araşdırmalar zamanı həmin şəxslərin bank hesablarında ümumilikdə 3,5 milyard türk lirəsi həcmində pul dövriyyəsi qeydə alınıb.
16 ilde 16 ayrı Organize Suç Örgütüne yönelik Jandarmamız tarafından düzenlenen operasyonlarda 3,5 Milyar TL hesap hareketi bulunan 198 şüpheli yakalandı.
— T.C. İçişleri Bakanlığı (@TC_icisleri) May 2, 2026
Şüphelilerden;
-105'i tutuklandı.
-75'i hakkında adli kontrol hükümleri uygulandı. Diğerlerinin işlemleri devam ediyor.… pic.twitter.com/9h30abhcEx
İstintaq materiallarına əsasən, saxlanılanlar sosial şəbəkələr üzərindən "investisiya məsləhətçiliyi" adı altında vətəndaşları aldadaraq qanunsuz gəlir əldə edib, eyni zamanda bəzi şirkətlərə qarşı təzyiq və hədə-qorxu tətbiq ediblər.
Bundan əlavə, şübhəlilərin narkotik vasitələrin dövriyyəsi, qeyri-qanuni mərc oyunlarının təşkili, maliyyə əməliyyatlarında vasitəçilik, saxta sənədlərin hazırlanması, silah qaçaqmalçılığı və sələmçilik kimi qanunsuz fəaliyyətlərlə məşğul olduqları müəyyənləşdirilib.
Əməliyyat çərçivəsində 24 daşınmaz əmlak, 16 nəqliyyat vasitəsi və 1060 bank hesabına həbs qoyulub. Məhkəmə qərarı ilə saxlanılanlardan 105 nəfər barəsində həbs qətimkan tədbiri seçilib, digər şəxslərlə bağlı hüquqi prosedurlar davam etdirilir.
