Almaniya hökuməti mülki infrastrukturun hərbi ehtiyaclar üçün yenidən qurulmasına başlayıb.
Bizim.Media xəbər verir ki, bu barədə "Bloomberg" agentliyi məlumat yayıb.
Xəbərdə bildirilib ki, Baltik dənizi sahilində yerləşən Avropanın ən böyük avtomobil limanı Bremerhaven, "Leopard" tankları da daxil olmaqla, hərbi texnikanın daşınması üçün 1,35 milyard avro məbləğində vəsaitlə modernləşdiriləcək.
Dövlət investisiyaları yükləmə platformalarının möhkəmləndirilməsinə yönəlib. Layihə 2026-cı ilin büdcəsinə daxil edilib və Almaniyanın potensial hərbi münaqişəyə genişmiqyaslı hazırlığının bir hissəsidir. Müharibə şəraitində ölkə öz coğrafi mövqeyindən qoşunların təchizatı üçün istifadə edə biləcək.
Agentliyin məlumatına görə, Almaniya hökuməti layihələr hazırlasa da, silahlı qüvvələrin onları həyata keçirmək üçün resursları yoxdur, buna görə də hakimiyyət orqanları kömək üçün özəl sektorlara müraciət edir.
Şirkətlər orduya nəqliyyat və saxlama imkanlarını təmin etməyə hazırdırlar, lakin bu cür tərəfdaşlıqlar avtomobil və dəmir yolu şəbəkəsi ilə bağlı problemlər səbəbindən çətinləşir.
Bizim.Media
