ABŞ-nin aşağıbüdcəli aviaşirkəti “Spirit Airlines” təyyarə yanacağının qiymətlərinin kəskin artması və maliyyə çətinlikləri səbəbindən bütün uçuşlarını ləğv etdiyini açıqlayıb.
“Hakimiyyet.az ” xəbər verir ki, şirkət sərnişinləri hava limanlarına getməməyə çağırıb.
“Spirit Airlines”in çöküşü ABŞ Prezidenti Donald Trampın aviaşirkəti xilas etmək üçün təklif etdiyi 500 milyon dollarlıq dəstək paketinin Konqres və müşavir etirazları səbəbindən uğursuz olmasından sonra sürətlənib. Müharibə fonunda yanacağın qiymətinin ikiqat artması şirkətin iflasdan çıxmaq planlarını pozub.
ABŞ nəqliyyat katibi Şon Daffi bildirib ki, heç bir şirkət “Spirit Airlines”i almaq istəmir və hökumət bu şəraitdə əlavə müdaxilə edə bilməz.
“Spirit Airlines”in fəaliyyəti dayandırması ABŞ hava səyahətləri bazarında minlərlə iş yerinin itirilməsinə və bilet qiymətlərinin artmasına səbəb olacaq. Eyni zamanda, “Lufthansa” və “Air India” kimi qlobal aviaşirkətlər də yüksələn xərcləri kompensasiya etmək üçün uçuş tezliklərini azaldır və əlavə yanacaq haqları tətbiq edirlər.(qafqazinfo)
