Olke.az saytından əldə olunan məlumata görə, ain.az məlumat yayır.
Hərbi aviasiya tarixi təkcə sürət və silahlanma deyil, həm də mühəndislik dühasının sərhədlərini zorlayan bir inkişaf yoludur.
"Ölkə.az" xəbər verir ki, ilk hərbi təyyarələrin kəşfiyyat məqsədilə istifadə edilməsindən bu yana keçən bir əsrdən artıq müddətdə göy üzünün hakimləri tanınmaz dərəcədə dəyişib. 1903-cü ildə Rayt qardaşlarının ilk uçuşundan cəmi 11 il sonra, Birinci Dünya Müharibəsində pilotlar bir-birinə havadan tapança ilə atəş açırdılarsa, bu gün səsdən dəfələrlə sürətli uçan və süni intellektlə idarə olunan qırıcılar dövrü başlayıb.
Hərbi aviasiyada ən böyük sıçrayışlardan biri "səs baryeri"nin aşılması oldu. 1947-ci ildə Çak Yeger tərəfindən idarə olunan Bell X-1 təyyarəsi ilk dəfə səs sürətini keçərək aviasiyada yeni era açdı. Lakin əsl texnoloji möcüzə "Stealth" (Görünməzlik) texnologiyasının yaranması idi. Radarlara yaxalanmayan F-117 Nighthawk və sonradan B-2 Spirit kimi təyyarələr, həndəsi formaları və xüsusi örtükləri sayəsində düşmən hava hücumundan müdafiə sistemlərini tamamilə təsirsiz hala gətirdi.
Müasir hərbi təyyarələrin minlərlə kilometr məsafəni qət etməsinin sirri havada yanacaqdoldurma əməliyyatındadır. İlk baxışda sadə görünsə də, saatda yüzlərlə kilometr sürətlə uçan iki nəhəng aparatın havada birləşməsi pilotlardan yüksək ustalıq tələb edir. Bu texnologiya hərbi hava qüvvələrinə bazadan uzaqlaşmadan günlərlə havada qalma imkanı verir.
Gələcəyin qırıcıları: atıncı nəsil və pilotsuz uçuşlar
Bu gün dünya nəhəngləri artıq 6-cı nəsil qırıcılar üzərində çalışırlar. Bu təyyarələr təkcə görünməz deyil, həm də "bulud sistemi" vasitəsilə digər təyyarələr, peyklər və yerüstü qüvvələrlə vahid şəbəkədə işləyəcək. Ən maraqlı məqam isə odur ki, gələcəyin bəzi hərbi təyyarələrində pilot kabinəsi ümumiyyətlə olmayacaq. Süni intellekt tərəfindən idarə olunan pilotsuz döyüş təyyarələri həm insan itkisi riskini sıfıra endirəcək, həm də insan orqanizminin dözə bilməyəcəyi yüksək manevrləri yerinə yetirəcək.
Hərbi aviasiya hər zaman texnologiyanın zirvəsi olub və görünən odur ki, səmalar hələ çox inanılmaz yeniliklərə şahidlik edəcək.(musavat.com)
Ən son xəbərləri və yenilikləri almaq üçün ain.az saytını izləyin.
