Üzü buzlu suya salmaq və ya əllərdə buz parçası saxlamaq gərginliyi və stresi sürətlə aradan qaldırmağa kömək edir.
Publika.az xəbər verir ki, bu barədə Qazeta.ru-ya həkim, klinik psixoloq, dosent və Piroqov Universitetinin Klinik Psixologiya və Sosial İş İnstitutunun direktor müavini Yekaterina Orlova məlumat verib.
Psixoloq bildirib ki, mənfi emosional vəziyyətlərin öhdəsindən gəlmək bacarıqları strukturunda temperatur komponenti bir sıra xarici alimlər tərəfindən fizioloji oyanıqlığın təcili azaldılması metodu kimi qiymətləndirili:
“Məsələn, üzün buzlu suya salınması və ya buz parçasının saxlanması məməlilərin suya baş vurma refleksini aktivləşdirir. Bu refleks bradikardiya və simpatik tonusun azalması ilə müşayiət olunan parasimpatik vaqus reaksiyasını işə salır.
Sözügedən refleks ürəyin daha yavaş döyünməsinə səbəb olur və sinir sistemini tormozlanma rejiminə keçirir”.
