Hərəkat daxilində keçirilən seçkilər siyasi büro rəhbərliyi üçün hazırlıq mərhələsi kimi qiymətləndirilib...
Poliqon xəbər verir ki, Livanın Al-Akhbar qəzetinin yaydığı məlumata əsasən, Xəlil əl-Hayya Qəzza zolağında HƏMAS-ın rəhbəri seçilib. Məlumata görə, təşkilat daxilində aparılan daxili seçkilər nəticəsində digər mühüm vəzifələr də müəyyənləşdirilib.
Belə ki, Zaher Cəbarin İudeya və Samariya (Qərb sahili) üzrə təşkilatın rəhbəri təyin olunub, Xalid Məşəl isə HƏMAS-ın xaricdə fəaliyyət göstərən qanadının başçısı seçilib.
Məlumatda qeyd olunur ki, bu kadr dəyişiklikləri və seçkilər təşkilatın ali siyasi orqanı hesab olunan siyasi büro rəhbərinin müəyyənləşdirilməsi istiqamətində ilkin mərhələ kimi qiymətləndirilir. Analitiklərə görə, hazırkı proses HƏMAS daxilində qüvvələr balansının yenidən formalaşdırılmasına və gələcək strategiyanın müəyyən edilməsinə təsir göstərə bilər.
Eyni zamanda, bu cür struktur dəyişikliklərinin regionda davam edən siyasi və hərbi proseslər fonunda təşkilatın qərar qəbuletmə mexanizmlərinə də təsir edəcəyi istisna edilmir.
Poliqon.info
