İran-Pakistan sərhədində yanacağın miqyaslı qeyri-qanuni daşınması müşahidə olunur. Sərhədyanı Pirkor şəhəri yaxınlığında şahidlər böyük bir karvanı lentə alıblar — minlərlə insan İrandan Pakistana yanacaq daşıyır.
Ölkə.Az xarici mediaya istinadən xəbər verir ki, əvvəllər İslam İnqilabı Keşikçiləri Korpusu (İİKK) bu cür sxemlərin qarşısını aktiv şəkildə alsa da, hazırda mənbələrin məlumatına görə, nəzarət nəzərəçarpacaq dərəcədə zəifləyib. Medianın yaydığı məlumata görə, bunun səbəblərindən biri neft anbarlarının həddindən artıq dolu olmasıdır. Qeyd olunur ki, yanacağın qeyri-qanuni çıxarılması artıq ehtiyatları qismən boşaltmağa imkan verir.
