Bu günə qədər Rusiya sosial mediasında yayıldığı kimi, hərbi əməliyyatların dayandırılması ilə bağlı Ukraynaya rəsmi sorğu daxil olmayıb. Biz hesab edirik ki, insan həyatı istənilən ildönümünün “qeyd edilməsindən” müqayisəolunmaz dərəcədə daha dəyərlidir. Buna görə də, mayın 5-dən 6-na keçən gecə saat 00:00-dan atəşkəs elan edirik.
Senzor.az bildirir ki, bunu Ukrayna Prezidenti Volodimir Zelenski “Telegram” səhifəsində bəyan edib.
Zelenski qeyd edib ki, atəşkəsin həmin müddət ərzində təmin olunması realdır. “Biz də həmin andan etibarən eyni şəkildə hərəkət edəcəyik. Əgər Rusiya Müdafiə Nazirliyi Ukraynanın xoşməramlı addımı olmadan Moskvada parad keçirə bilməyəcəyinə inanırsa, bu, Rusiya rəhbərliyinin müharibəyə son qoymaq üçün real addımlar atmasının vaxtının çatdığını göstərir”, - deyə Zelenski vurğulayıb.
Xatırladaq ki, bundan əvvəl Rusiya Müdafiə Nazirliyi İkinci Dünya müharibəsində qələbənin 81-ci ildönümünün qeyd edilməsi münasibətilə 8 və 9 may tarixlərində atəşkəs elan olunduğu barədə məlumat yaymışdı.
