ABŞ dövlət katibi Marko Rubio Yaxın Şərqdəki böhranın diplomatik yolla həllinin mümkün olduğunu bəyan edib. Daha əvvəl oxşar mövqedən İran diplomatiyasının rəhbəri Abbas Araqçi də çıxış etmişdi.
Rubio bildirib ki, Vaşinqton və Tehran böhranın həlli üçün diplomatik imkanları hələ tükətməyib. ABŞ administrasiyası diplomatiya istiqamətində fəaliyyətini davam etdirir, deyə o qeyd edib.
“(Tənzimlənmə üçün) real diplomatik yol mövcuddur və biz onu araşdırmağa davam edirik”, – deyə Rubio vurğulayıb.
Qeyd edək ki, bu gün İranın xarici işlər naziri Abbas Araqçi də danışıqlara hazır olduğunu ifadə edərək bildirib ki, Yaxın Şərqdə vəziyyət güc tətbiqi ilə normallaşdırıla bilməz.
