Qol.az saytından alınan məlumatlara görə, ain.az xəbər verir.
FİFA-nın sərt qadağası “Neftçi”yə necə təsir edəcək?
Xəbər verdiyimiz kimi, FIFA “Neftçi”yə 3 transfer pəncərəsi üçün qadağa qoyub.
QOL.az-ın xəbərinə görə, qərar 2026-cı ilin mayın 5-dən qüvvəyə minib.
Hələlik cəzanın səbəbinə və konkret kimə/nəyə görə verildiyinə dair məlumat yoxdur. Lakin adətən belə qərarlar ya klubun hazırkı və ya sabiq futbolçuları/məşqçiləri qarşısında borcları və ya maliyyə tələblərini pozmasına görə qəbul olunur.
Qərar gecə saatlarında mediada yayıldığından hələlik “Neftçi”nin buna münasibəti bəlli deyil və güman edirik ki, gün ərzində açıqlama verilər.
“Neftçi” ilə bağlı qərar qarşıdakı 3 transfer dövrünü əhatə edir: 2026-cı ilin yay, 2027-ci ilin qış və yay transfer pəncərələri. Bu o deməkdir ki, qadağa müddəti dəyişilməsə, “Neftçi” yeni oyunçu transferini yalnız 2028-ci ilin qışından etibarən həyata keçirə biləcək.
Bu isə “Neftçi"yə ciddi təsir edə bilər. Əvvəla “Neftçi” yeni futbolçularla heyətini gücləndirə bilməyəcək ki, bu da çempionatda yüksək yerlər uğrunda mübarizəni və avrokuboklara vəsiqə şansını çətinləşdirəcək. Bununla belə, klub hazırkı futbolçularına və öz yetirmələrinə güvənməli olacaq.
Hazırda ukraynalı Yuri Vernidubun komandası Azərbaycan çempionatının turnir cədvəlində 4-cü pillədə qərarlaşıb. 30 oyundan sonra “Neftçi”nin aktivində 50 xal var və komanda avrokubok zonasına düşmək uğrunda mübarizəni davam etdirir.
Ukrayna mətbuatı yazır ki, Yuri Vernidub üçün bu vəziyyət onun "Zorya" və "Krivbass" klublarında çalışdığı dövrdə yaşanan bənzər problemlərin təkrarı olacaq.
FİFA-nın saytında "Neftçi"nin cəzalandırıldığını təsdiqləyən bölmə
Daha ətraflı məlumat və yeniliklər üçün ain.az saytını izləyin.
