“İnter”in hücumçusu Markus Tyuram İtaliya çempionatında aprelin ən yaxşı futbolçusu adına layiq görülüb.
90deqiqe.Az xəbər verir ki, bu barədə A Seriyasının rəsmi saytı məlumat yayıb.
Fransalı futbolçu ötən ay “İnter”in heyətində çempionatda keçirdiyi dörd oyunda 5 qol vurub və 2 məhsuldar ötürmə ilə yadda qalıb.
Markus Tyuram mükafatını “İnter”in növbəti ev oyunundan əvvəl qəbul edəcək. Milan təmsilçisi mayın 17-də keçiriləcək qarşılaşmada “Verona” ilə üz-üzə gələcək.
Xatırladaq ki, “İnter” mayın əvvəlində “Parma”nı məğlub edərək vaxtından əvvəl İtaliya çempionu olub. Kristian Kivunun komandası qarşıda ölkə kubokunun finalında “Latsio” ilə qarşılaşacaq.
