Azərbaycan Dövlət Aqrar Universitetinin Satınalma Müsabiqəsində Yetərli Təklif Sayı Toplanmayıb
.
Azərbaycan Dövlət Aqrar Universiteti tərəfindən elan olunan “Keçid nəzarət və videomüşahidə sistemlərinin alınması və quraşdırılması” xidməti üzrə satınalma müsabiqəsində kifayət qədər iştirakçı olmadığı bildirilib.
Məlumata görə, satınalmada iştirak etmək üçün təklif və təklifin təminatını təqdim etmiş, həmçinin tələb olunduğu halda müvafiq lisenziya və ya icazəyə malik təchizatçıların sayı üçdən az olub. Bu səbəbdən satınalma prosesi “Dövlət Satınalmaları haqqında” qanunun 36.1.1-ci maddəsinə uyğun olaraq baş tutmamış hesab edilib.
Qeyd edək ki, layihə universitet ərazisində təhlükəsizlik sistemlərinin gücləndirilməsi və nəzarət imkanlarının artırılması məqsədi daşıyırdı.
