BAKI, 8 may. TELEQRAF
"İranın əsas siyasəti qarşılıqlı hörmət və ortaq maraqlar çərçivəsində dostluq münasibətlərini inkişaf etdirməkdir".
Teleqraf xəbər verir ki, bu barədə İran Prezidenti Məsud Pezeşkian bildirib.
Pezeşkian "X" sosial şəbəkəsindəki hesabında ölkəsinin xarici siyasəti ilə bağlı qeyd edib: "Müstəmləkəçi ideologiyanın gələcək dünyamızda yeri yoxdur. İranın əsas siyasəti qarşılıqlı hörmət və ortaq maraqlar çərçivəsində dostluq münasibətlərini inkişaf etdirməkdir. Xalqımız tarixən tolerant olub və hər zaman zülmə qarşı mübarizə aparıb".
