ain.az, Demokrat.az portalına istinadən məlumatı açıqlayır.
ABŞ-nin Miçiqan ştatında toy gecəsi ən yaxın dostunu avtomobillə vuraraq öldürən bəyə ağır cəza verilib. Hadisə bayram ab-havasının bir anda faciəyə çevrilməsi ilə nəticələnib.Demokrat.az xəbər verir ki, 24 yaşlı Ceyms Şirah öz sağdişi, 29 yaşlı Terri Lüis Teyloru qəsdən öldürməkdə təqsirli bilinib. Hadisə toy mərasimindən sonra keçirilən ziyafətdə, spirtli içkinin təsiri altında baş verən mübahisədən qaynaqlanıb. Aralarındakı qarşıdurmadan sonra ərazini tərk edən bəy, cəmi bir dəqiqə sonra iri həcmli avtomobili ilə geri dönərək dostunu hədəf alıb.
Məhkəmə prosesində Ceyms Şirah hadisənin təsadüf olduğunu iddia edərək göz yaşları töksə də, təhlükəsizlik kameralarının qeydləri bunun əksini sübut edib. Hakim görüntülərdə avtomobilin qəsdən və sürətlə zərərçəkənin üzərinə sürüldüyünün açıq şəkildə göründüyünü vurğulayıb. Məhkəmənin hökmü ilə bəy ikinci dərəcəli qətl ittihamı üzrə 30 ildən 45 ilə qədər azadlıqdan məhrum edilib.İsmayıl
Demokrat.az
Hadisənin gedişatını izləmək üçün ain.az saytında ən son yeniliklərə baxın.
