Bizimyol saytından verilən məlumata əsasən, ain.az məlumatı açıqlayır.
İsrailin baş naziri Binyamin Netanyahu İranla müharibə zamanı Birləşmiş Ərəb Əmirliklərinə (BƏƏ) gizli səfər edib və ölkə prezidenti Məhəmməd bin Zayedlə görüşüb.
Bizimyol.info xəbər verir ki, bu məlumatı hökumət administrasiyası təsdiqləyib.
"Bu səfər İsrail ilə BƏƏ arasında münasibətlərdə tarixi irəliləyişə səbəb oldu", - deyə Administrasiyadan bildirilib.
Netanyahu 2018-ci ildə, “Avraam Sazişləri”ndən əvvəl də BƏƏ-yə gizli səfər etmişdi. O, həmçinin Məhəmməd bin Zayedlə üçüncü ölkədə görüşmüşdü. Lakin bu, İsrail baş nazirinin Əmirlik lideri ilə görüşünü rəsmi təsdiqləyən ilk məlumatdır. Əvvəl Netanyahu Körfəz ölkəsinə açıq səfər etmək istəsə də, səfər təxirə salınmışdı.
Son dövrlərdə İsrail və BƏƏ arasındakı münasibətlər xeyli möhkəmlənib. Siyasi mənbələr bildirirlər ki, Abu Dabidə anlayırlar ki, çətin dövrdə kim onların yanında olub; buna görə Netanyahu, Mossad rəhbəri David Barnea, ŞABAK rəhbəri David Zini və digər israilli nümayəndələrin ardıcıl səfərləri baş tutub.
"The Wall Street Journal" xəbər verir ki, Barnea müharibə zamanı əməliyyatların koordinasiyası üçün BƏƏ-yə ən azı iki dəfə səfər edib (mart və aprel aylarında). Həmçinin atəşkəs zamanı ŞABAK rəhbəri David Zini də Əmirlikləri ziyarət edib.
Məlumata görə, müharibə müddətində İsrail və BƏƏ təhlükəsizlik sahəsində sıx koordinasiya aparıb. ABŞ-ın İsraildəki səfiri Mayk Hakabi bildirib ki, İsrail BƏƏ-yə “Dəmir Qübbə” raket müdafiə sistemlərini göndərib və onların istifadəsi üçün hərbi heyət təmin edib.
Qeyd edək ki, BƏƏ İranın obyektlərinə zərbələr endirib, lakin bunu açıq şəkildə tanımayıb. Zərbələrdən biri aprel ayının əvvəlində Lavan adasında yerləşən neft emalı zavoduna olub və nəticədə böyük yanğın baş verib, zavodun əhəmiyyətli hissəsi sıradan çıxıb.
Bizimyol.info
Daha ətraflı məlumat və yeniliklər üçün ain.az saytını izləyin.
