Bu gecə Rusiyanın paytaxt Kiyevə genişmiqyaslı zərbələri nəticəsində şəhərin yaşayış məhəllələri zərər çəkib.
Bunu "Far.Az"un Şərqi Avropa bürosuna Kiyev Hərbi Administrasiyasının rəsmisi Yekaterina Pop bildirib.
"Hücumda zərbə PUA-larından, həmçinin müxtəlif tipli raketlərdən istifadə edilib. Son məlumatlara görə, Kiyevin 6 rayonunda təxminən 20 yaşayış kompleksində ağır nəticələr qeydə alınıb. Çoxlu yaşayış binaları zədələnib. Darnitski binanın rayonunda girişin bir hissəsi tamamilə dağıdılıb. Hazırda orada operativ xilasetmə işləri və axtarış işləri davam edir", - rəsmi vurğulayıb.
Onun sözlərinə görə, dağıntılar altından artıq ondan çox adam çıxarılıb, axtarış davam edir:
"Dneprovski rayonunda çoxmərtəbəli binalar və fərdi yaşayış evləri, Qolosiyevski rayonunda biznes-mərkəz və anbar yanıb, lakin fərdi yaşayış evi də zədələnib. Obolonski rayonunda məktəbin damı zədələnib, biznes-mərkəz və qeyri-yaşayış binaları yanıb. Paytaxta hücum nəticəsində təxminən qırx nəfər yaralanıb, 2 nəfər ölüb. Yaralananların böyük hissəsi paytaxtdakı tibb müəssisələrinə hospitalizasiya edilib və onlara ixtisaslı tibbi yardım göstərilir", - rəsmi bildirib.
