"Bu, dövlət başçılarının sayına görə ən böyük WUF-dur" - Yalçın Rəfiyev

"Azərbaycan artıq qlobal diplomatiyanın mərkəzlərindən birinə çevrilib".

Bunu "Unikal"a açıqlamasında xarici işlər nazirinin müavini Yalçın Rəfiyev deyib. 

WUF13-ün əhəmiyyətindən danışan nazir müavini bildirib ki, bu, COP29-dan sonra ölkəmizdə keçirilən ikinci böyük tədbirdir:

"Kifayət qədər çox iştirakçı var və bu, dövlət başçılarının iştirak sayına görə ən böyük WUF hesab olunur. 

Tədbirin ən böyük töhfəsi təbii ki, dünyada mövcud olan müasir, dayanıqlı, iqlimə davamlı şəhərsalma modelləri tendensiyaları barədə iştirakçıları məlumatlandırmaq və müsbət təcrübələr barədə məlumat mübadiləsi təşkil etməkdir.

Amma daha da vacibi Azərbaycanın işğaldan azad olunan ərazilərində aparılan yenidənqurma və bərpa işləri ilə bağlı dünya ictimaiyyətini məlumatlandırmaq üçün əlavə bir imkandır. Bu baxımdan tədbir həddən artıq faydalıdır".

Ağarza Elçinoğlu