Bakı, 18 may, AZƏRTAC
Türkiyənin "Beşiktaş" komandası baş məşqçi Sərgən Yalçınla yollarını ayırıb.
AZƏRTAC klubun rəsmi saytına istinadən xəbər verir ki, mütəxəssislə müqavilə qarşılıqlı razılıq əsasında ləğv edilib.
Qeyd edək ki, Sərgən Yalçın 2025-ci ilin avqustunda "Beşiktaş"ın baş məşqçisi təyin olunmuşdu. Komanda onun rəhbərliyi altında Türkiyə Superliqasında geridə qalan mövsümü 60 xalla 4-cü pillədə başa vurub.
