Modern.az saytından əldə olunan məlumata görə, ain.az məlumat yayır.
Yüksək səviyyəli Enerji və Şəhər Dialoqunda çıxış etmək mənim üçün böyük məmnunluqdur.
Modern.az xəbər verir ki, bunu Bakıda keçirilən Ümumdünya Şəhərsalma Forumunun 13-cü Sessiyası (WUF13) çərçivəsində "D-8 ölkələrinin Yüksək Səviyyəli Enerji və Urban Dialoqu" adlı tədbirdə Ümumdünya Şəhərsalma Forumunun On Üçüncü Sessiyasının (WUF13) milli koordinatoru, Dövlət Şəhərsalma və Arxitektura Komitəsinin sədri Anar Quliyev bildirib.
O qeyd edib ki, WUF13 çərçivəsində bir araya gələrək təhlükəsiz, dayanıqlı və davamlı şəhərlərlə bağlı müzakirələri inkişaf etdirməyi, inklüziv şəhərsalma üçün praktiki həll yollarını araşdırmağı hədəfləyirik.
“Şəhərlər mobillik, ticarət və innovasiyanın əsas mühərrikləridir və qlobal ÜDM-in təxminən 80 faizini formalaşdırır. Eyni zamanda, onlar qlobal emissiyaların təxminən 70 faizinə və dünya üzrə enerji istehlakının üçdə ikisindən çoxuna cavabdehdir. Bu isə şəhərləri iqlim dəyişiklikləri ilə mübarizənin mərkəzinə çevirir və şəhər mühitinin necə planlaşdırılması, layihələndirilməsi və qurulmasını hər zamankından daha vacib edir”.
A.Quliyev xatırladıb ki, 2025-ci il oktyabrın 17-də keçirilmiş Üçüncü Milli Şəhərsalma Forumu çərçivəsində təşkil olunan İqlim və Şəhər Dialoqu üzv dövlətlər arasında iqlim dayanıqlığı və davamlı şəhər inkişafı məsələlərinin müzakirəsi üçün mühüm platforma yaradıb:
“Bu gün isə enerji səmərəliliyi və yaşıl şəhər enerji sistemlərini də bu dialoqa daxil etmək, eyni zamanda tərəqqini sürətləndirmək üçün zəruri kollektiv və milli addımları müəyyənləşdirmək həm vaxtında, həm də vacibdir.
Azərbaycanda enerji səmərəliliyinin artırılması və iqlim dayanıqlığının gücləndirilməsi şəhərsalma siyasətinin ayrılmaz hissəsidir. Yaşıl tikinti və enerji baxımından səmərəli binalar şəhər inkişaf strategiyamızın əsas istiqamətlərindən birinə çevrilib. Bu yanaşma davamlı şəhər gələcəyinin tikinti və infrastrukturun uzunmüddətli ekoloji təsirinin azaldılmasından asılı olduğuna dair inamımızı əks etdirir”.
Onun sözlərinə görə, yaşıl tikintiyə keçid yalnız ekoloji zərurət deyil, həm də iqtisadi fürsətdir:
“Enerji səmərəli binalara və davamlı infrastruktura yatırılan investisiyalar əməliyyat xərclərini azaldır, həyat keyfiyyətini yaxşılaşdırır, investisiya cəlbediciliyini artırır, innovasiyanı və yeni iş yerlərinin yaradılmasını təşviq edir və bununla da uzunmüddətli iqtisadi dayanıqlığa töhfə verir.
Bu yanaşma Azərbaycanın təmiz enerjiyə keçidlə bağlı daha geniş milli strategiyası ilə sıx bağlıdır. Qarabağ Günəş Elektrik Stansiyası və “Xızı-Abşeron” Külək Elektrik Stansiyası kimi bərpa olunan enerji layihələri Azərbaycanda yaşıl enerjinin payını əhəmiyyətli dərəcədə artıracaq”, - deyə o qeyd edib.
Hadisənin gedişatını izləmək üçün ain.az saytında ən son yeniliklərə baxın.
