Azertag portalından əldə olunan məlumata əsasən, ain.az xəbər verir.
Vaşinqton, 20 may, AZƏRTAC
ABŞ Senatı prosedur səsverməsi zamanı İran müharibəsi ilə bağlı Müharibə Səlahiyyətləri Qətnaməsini irəli sürülməsini 50-47 səslə təsdiq edib.
AZƏRTAC-ın məlumatına görə, bu, Senatın əvvəllər uğursuz yeddi səsverməsindən sonra qətnamənin irəli sürülməsinin ilk dəfə təsdiqlənməsidir.
Respublikaçılar Partiyasından olan senatorlar Bill Kassidi, Rand Pol, Syuzan Kollins və Liza Murkovski qətnamənin lehinə səs veriblər. Partiyanın bir neçə üzvü səsvermədə iştirak etməyib.
Əvvəlki səsvermələrdə olduğu kimi, Demokratlar Partiyasından olan senator Con Fetterman qətnaməyə qarşı səs verən yeganə əks partiya təmsilçisi olub.
Qətnamə Prezidentdən ABŞ Silahlı Qüvvələrini İran daxilində və ya İrana qarşı hərbi əməliyyatlardan uzaqlaşdırmağı tələb edir.
Bu prosedur səsvermədir və ilkin mərhələdə sadə səsvermə tələb edir. Qanun layihəsinin təsdiqi üçün Senatın yenidən səsvermə keçirməsi lazımdır. Əgər başqa heç bir üzv səslərini dəyişməsə və Respublikaçılar Partiyasının tam iştirakı olmasa, təsdiq nəticə etibarilə uğursuz olacaq.
Məlahət Nəcəfova
AZƏRTAC-ın xüsusi müxbiri
Vaşinqton
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
