Fransa və Türkiyə Avropa Şurasına üzv ölkələr arasında həbsxanaların ən çox dolu olduğu dövlətlər olub.
Publika.az xəbər verir ki, bu barədə AFP agentliyi Avropa Şurasının sifarişi ilə Lozanna Universitetinin hazırladığı hesabata istinadən məlumat yayıb.
Araşdırmaya əsasən, hər 100 həbsxana yerinə Fransada və Türkiyədə 131 məhbus düşür.
Qeyd edək ki, məlumatlar 2025-ci ilin əvvəlinə aiddir.
Bununla yanaşı, Fransa hakimiyyətinin təqdim etdiyi daha yeni statistikaya görə, 2026-cı ilin aprelində ölkədə həbsxanaların doluluq səviyyəsi artıq 139,1 faizə çatıb.
