Böyük Britaniya Rusiya xam neftindən üçüncü ölkələrdə istehsal olunan dizel yanacağı və reaktiv yanacağın Böyük Britaniyaya idxalına icazə verib.
Yeniavaz.com xəbər verir ki, bu barədə Biznes və Ticarət Nazirliyi tərəfindən verilən lisenziyada bildirilib.
Nazirliyin rəsmi saytında deyilir ki, lisenziya 20 may 2026-cı ildə qüvvəyə minir. O, dövri olaraq nəzərdən keçirmək şərti Iiə qeyri-müəyyən müddətə nəzərdə tutulur.
Dizel və aviasiya yanacağının idxalına əlavə olaraq, lisenziya idxalla bağlı müəyyən xidmətlərin və fəaliyyətlərin göstərilməsinə də icazə verir.
Digər tərəfdən, sənəddə qeyd edilir ki, Böyük Britaniya Dövlət Katibi istənilən vaxt lisenziyaları dəyişdirmək, ləğv etmək və ya dayandırmaq səlahiyyətinə malikdir.
Londonun qərarı İrandakı müharibə ilə əlaqəli qlobal enerji böhranının artması fonunda qəbul edilib.
