Milli Məclisin deputatı Naqif Həmzəyev Bakı–Tbilisi dəmir yolu marşrutunun fəaliyyətinə münasibət bildirib.
Deputat qeyd edib ki, öz adından və Gəncə seçiciləri adından İlham Əliyev-ə dərin təşəkkürünü ifadə edir. O vurğulayıb ki, Bakı–Tbilisi marşrutunun yenidən və yüksək səviyyədə fəaliyyət göstərməsi vətəndaşların rahatlığı və regionlararası əlaqələrin inkişafı baxımından mühüm əhəmiyyət daşıyır.
Naqif Həmzəyev bildirib ki, Azərbaycan Dəmir Yolları rəhbərliyi və əməkdaşlarının bundan sonra da peşəkar fəaliyyət göstərərək Bakı–Tbilisi marşrutu üzrə sərnişin məmnuniyyətini təmin edəcəyinə inanır.
