Müəllif: Tamara Mustafayeva, Banco.az
Çin bəzi strateji minerallarda mədən əməliyyatlarına nəzarəti ələ keçirməyə hazırlaşır.
Banco.az xəbər verir ki, Çinin rəsmi “Xinhua” xəbər agentliyi tərəfindən yayımlanan hökumət bəyanatına əsasən, yeni qaydalar iyunun 15-dən qüvvəyə minəcək və bu qaydalar Çin hökumətinə ümumi istehsala nəzarət etmək, mədən şirkətlərinin fəaliyyətini məhdudlaşdırmaq, həmçinin milli təhlükəsizlik üçün risk yarada biləcək mədən sahəsindəki xarici investisiyalarla bağlı təhlükəsizlik yoxlamaları aparmaq səlahiyyəti verəcək.
Bəyanatda hansı mineralların bu qərardan təsirlənəcəyi açıqlanmayıb. Qaydalara əsasən, strateji mineral ehtiyatları siyahısında ediləcək hər hansı dəyişiklik zamanı iqtisadi əhəmiyyət, milli təhlükəsizlik, daxili tələbat və təchizat zəncirinin dayanıqlılığı kimi amillər nəzərə alınacaq.
Çin hazırda yüksək texnologiyalı istehsal üçün həyati əhəmiyyət daşıyan nadir torpaq elementlərinin hasilatına da oxşar nəzarət mexanizmləri tətbiq edir. Bu çərçivədə lisenziyalı bir neçə yerli şirkət üçün illik istehsal kvotaları müəyyənləşdirilib.
Bizi sosial şəbəkələrdən izləyin!!
