“SpaceX” şirkətinin rəhbəri, milyarder İlon Mask qarşısına möhtəşəm bir hədəf qoyub. Onun dünyanın ilk trilyoneri kimi tarixə düşmək ehtimalı var.
KONKRET.az oxu.az-a istinadən xəbər verir ki, bu barədə “The Guardian” nəşri məlumat yayıb.
“Space Exploration Technologies Corp.” (“SpaceX”) şirkəti “Nasdaq” fond birjasına SPCX tikeri altında çıxmağa hazırlaşır. Kütləvi informasiya vasitələrinin məlumatına əsasən, İlon Maskın kosmik uçuşlar, “Starlink” və süni intellekt sahəsindəki layihələri də daxil olmaqla ümumi biznesi təqribən 2 trilyon dollar dəyərində qiymətləndirildiyinə görə, bu addım tarixin ən böyük IPO-su (İlkin Kütləvi Təklif) hesab edilə bilər.
“Gözlənilən IPO dünyanın ən zəngin insanının sərvətini daha da artıracaq və onu trilyoner statusuna yaxınlaşdıracaq, çünki “Forbes”in hesablamalarına görə, onun hazırkı varidatı 807 milyard dollara bərabərdir”, – deyə xarici mətbuatda vurğulanır.
