Meksika Bakıdan çoxlu sayda ideya ilə qayıdır.
"Report" xəbər verir ki, bu barədə Mexikonun beynəlxalq məsələlər üzrə baş koordinatoru Rosio Lombera Qonsales Bakıda WUF13-ün bağlanış mərasimində bildirib.
"Meksika evə ilk növbədə müzakirələrdən ilhamlanmış yeni ideyalar və artıq konkret addımlara çevrilməyə başlayan ən vacib dərslərlə qayıdır. Biz bütün bu nəhəng bilik ehtiyatını Mexiko şəhərində ev sahibliyi etməyin bizim üçün böyük şərəf və məsuliyyət olacağı növbəti foruma - WUF14-ə hazırlığa yönəldəcəyik", - Qonsales deyib.
O, həmçinin əlavə edib ki, Azərbaycan tərəfindən qoyulmuş yüksək standartlar növbəti qlobal forumun təşkilatçılarının üzərinə ciddi öhdəliklər qoyur. "Biz bu irsə layiq olmağı və Bakının hamımıza qarşı nümayiş etdirdiyi eyni səxavət və açıqlığı WUF14-də göstərməyi öhdəmizə götürürük", - Qonsales bildirib.
