Azertag portalından əldə olunan məlumata əsasən, ain.az xəbər verir.
Bakı, 23 may, AZƏRTAC
Azərbaycanın Mavritaniyadakı səfiri Tural Rzayev etimadnaməsini Mavritaniya İslam Respublikasının Prezidenti Məhəmməd uld əş- Şeyx əl-Ğəzvaniyə təqdim edib.
Azərbaycanın Əlcəzairdəki səfirliyindən AZƏRTAC-a verilən məlumata görə, etimadnamənin təqdimetmə mərasimində səfir Tural Rzayev Azərbaycan Respublikasının Prezidenti İlham Əliyevin salamlarını Mavritaniya Prezidentinə çatdırıb. Səfir iki ölkə arasında ikitərəfli və beynəlxalq təşkilatlar çərçivəsində əməkdaşlığından və qarşılıqlı dəstəkdən söhbət açıb.
Azərbaycan Respublikasının Prezidenti İlham Əliyevə öz salamlarını və ən xoş arzularını çatdırılmasını xahiş edən Mavritaniya Prezidenti Əl-Ğəzvani COP-29 çərçivəsində ölkəmizə işgüzar səfərindən və xoş təəssüratlarından danışıb. Ölkələrimiz arasında dostluq əlaqələrinin olduğunu, iqtisadi, humanitar sahələrdə əməkdaşlıq imkanlarının inkişafına maraqlı olduqlarını bildirib.
Ən son xəbərləri və yenilikləri almaq üçün ain.az saytını izləyin.
