Rusiya Britaniya Müdafiə Naziri Con Healey-i daşıyan Kral Hərbi Hava Qüvvələrinə məxsus təyyarənin GPS siqnalını kəsdi. BBC xəbər verib ki, bu, təyyarə Rusiya sərhədi yaxınlığında uçarkən baş verib.
Hadisənin cümə axşamı günü, Healeyin Estoniyada Rusiya sərhədi yaxınlığında NATO təlimlərində iştirak edən Britaniya qoşunlarını ziyarət etdikdən sonra Böyük Britaniyaya qayıtması zamanı baş verdiyi bildirilir. Təyyarənin GPS-i üç saatlıq uçuş zamanı söndürüldü və pilotlar fərqli naviqasiya sistemindən istifadə etməyə məcbur oldular.
Hücumun arxasında Rusiyanın olduğu güman edilir, lakin Müdafiə nazirini daşıyan təyyarənin Rusiya hərbçiləri tərəfindən qəsdən hədəfə alınıb-alınmadığı məlum deyil. Bununla belə, jurnalistlər qeyd edirlər ki, hökumət təyyarəsinin marşrutu ictimai uçuş izləmə veb saytlarında asanlıqla izlənilə bilər.
Oxşar hadisə 2024-cü ilin mart ayında, ruslar Polşadan qayıdarkən o vaxtkı Britaniya Müdafiə Naziri Qrant Şappsı daşıyan təyyarədə peyk siqnalını kəsdikdə baş vermişdi.
Əziz MUSTAFA
