ain.az, Apa.az portalından verilən məlumatlara əsaslanaraq xəbər verir.
İran prezidenti internetin əvvəlki vəziyyətə qaytarılması barədə qərarı təsdiqləyib.
APA-nın Tehran bürosunun məlumatına görə, İran prezidenti Məsud Pezeşkian internetin əvvəlki vəziyyətə qaytarılması ilə bağlı qərarı bu gün axşam Rəqəmsal İnkişaf və Rabitə Nazirliyinə göndərib.
Məlumata əsasən, İran hökuməti bu gün səhər internetin 8 yanvar tarixindən əvvəlki vəziyyətə qaytarılmasını təsdiqləyib.
Qeyd edək ki, yanvar ayında baş verən hadisələrdən sonra təhlükəsizlik səbəbilə İranda beynəlxalq internet bağlantısı kəsilmiş, daha sonra internet əvvəlki vəziyyətinə qaytarılmışdı.
Lakin ABŞ və İsrailin İrana qarşı hücumlarının 28 fevralda başlamasından sonra internet yenidən məhdudlaşdırılmışdı.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
