Müəllif: Tamara Mustafayeva, Banco.az
ABŞ-da istehlakçı inamı aşağı düşüb.
Banco.az xəbər verir ki, “Conference Board” tərəfindən açıqlanan istehlakçı inamı göstəricisi əvvəlki ay üzrə yuxarı istiqamətdə aparılmış düzəlişdən sonra 0,7 bənd azalaraq 93,1 səviyyəsinə enib. “Bloomberg”in iqtisadçılar arasında keçirdiyi sorğuda orta proqnoz 92 səviyyəsində idi.
Mövcud şərait göstəricisi 3,2 bənd azalaraq 121,2-yə düşdüyü halda, qarşıdakı altı ay üzrə gözləntilər may ayında 74,4 səviyyəsinə yüksəlib.
Hesabatda amerikalı istehlakçılar arasında yüksək yaşayış xərcləri ilə bağlı narahatlıqların artdığı vurğulanır. Xüsusilə yanacaq qiymətlərində son artımın, əmək bazarının ümumilikdə sabit qalmasına və genişmiqyaslı işdən çıxarmaların müşahidə edilməməsinə baxmayaraq, aşağı gəlirli ailələr üçün daha ağır təsir yaratdığı qeyd olunur.
Bizi sosial şəbəkələrdən izləyin!!
