İngiltərə Premyer Liqasında çempionluq sevinci yaşayan "Arsenal" yeni mövsüm öncəsi heyətini gücləndirmək üçün böyük addım atmağa hazırlaşır.
Fanat.Az tanınmış idman jurnalisti Aleks Kruqa istinadən xəbər verir ki, "topçular" "Aston Villa"nın gənc ulduzu Morqan Rocersin transferi üçün rəsmi cəhdlərini artırmaq qərarına gəliblər.
London təmsilçisinin baş məşqçisi Mikel Arteta bu keçidin şəxsən tərəfdarıdır və gənc hücumçunu komandanın gücünə güc qatacaq əsas fiqurlardan biri kimi görür. Artıq futbolçunun düşərgəsi ilə ilkin təmaslar qurulub, lakin Birmingem klubunun bu transfer üçün ən azı 80 milyon funt-sterlinq tələb edəcəyi gözlənilir.
Oyunçuya olan marağın getdikcə artması səbəbindən bu məbləğin transfer dövrünün sonuna qədər 100 milyon funt-sterlinqə yaxınlaşacağı da iddialar arasındadır.
Kamil Xudiyev
