56 yaşlı xəstədən 1,3 kq ağırlığında nəhəng sidik kisəsi daşı çıxarılıb .
Medicina.az xəbər verir ki, Çində bir fermer bir neçə il ərzində şiddətli ağrı və sidik problemləri ilə üzləşib, səbəbin böyük bir sidik kisəsi daşından olduğunu isə bilməyib.
O bildirib ki, sidik ifrazı tez-tez qəfil dayanır və bu da onu tam sidik ifrazı üçün mövqeyini dəyişməyə məcbur edir. Zaman zaman kişi həmçinin şiddətli narahatlıq və ağrı hiss edirdi.
Əvvəlcə fermer simptomların ümumi prostat problemləri ilə əlaqəli olduğunu düşünüb və tibbi yardım almaqda tərəddüd edib. O, əkinçilik işindən çıxmaq istəmirdi və ağrını dərmanla yatırmağa çalışıb.
Lakin zaman keçdikcə kişinin vəziyyəti daha da pisləşdi. Daimi sidik ifrazı ehtiyacı səbəbindən uzun müddət evdən çıxmaqdan qorxmağa başladı və gecələr dəfələrlə oyandı, çətinliklə də olsa, yaxşı yata bilirdi.
Nəhayət, ailəsi Çeni müayinədən keçməyə inandırdı.
Guangdong Tibb Universiteti Xəstəxanasının urologiya şöbəsində həkimlər nəhəng bir sidik kisəsi daşı aşkar etdilər və bu, sidik axınının demək olar ki, tamamilə qarşısını almışdı.
Urologiya şöbəsinin müavini Lin Yuan daşın təxminən 10 santimetr enində və 13 santimetr uzunluğunda olduğunu bildirdi. Onun çəkisi təxminən 1,3 kiloqram idi.
Rentgen müayinələri göstərdi ki, kütlə xəstənin sidik kisəsinin çox hissəsini tutur. Həkimlər xəbərdarlıq etdilər ki, sidik kisəsi divarlarına uzun müddət təzyiq xəstənin həyatı üçün ciddi təhlükə yarada bilər.
Əməliyyatı həyata keçirmək üçün həkimlər çoxsahəli bir qrup yaratdılar və fərdi cərrahi plan hazırladılar.
Əməliyyat uğurlu keçdi və fermer nəhayət illərdir onu narahat edən problemdən xilas oldu.
"Əgər cəmi üç il əvvəl kömək istəsəydim, boş yerə bu qədər əziyyət çəkməzdim" – deyə o, bildirib.
Aygün Musayeva
