Polşa Seyminin üzvü Vlodzimej Skalik sosial mediada Ukrayna Prezidenti Volodimir Zelenskini bu ölkənin ən yüksək dövlət mükafatı olan "Ağ Qartal" ordenindən məhrum etməyə çağırıb.
“Cebheinfo.az” xəbər verir ki, siyasətçinin sözlərinə görə, bu addım Ukraynaya qarşı atılmalı olduğuna inandığı bir sıra tədbirlərdən yalnız birincisi olmalıdır.
Skalik Kiyevə maliyyələşdirmənin dayandırılmasının, Yasionkadakı logistika mərkəzinin bağlanmasının, miqrasiya siyasətinin yenidən nəzərdən keçirilməsinin və sərhəd nəzarətinin gücləndirilməsinin vacibliyini bildirib.
O, həmçinin Polşanın Ukrayna münaqişəsinə yanaşmasında dəyişiklik etməyə çağırıb və bildirib ki, Varşava müdaxiləsini və Ukraynanı dəstəkləməkdə iştirakını dayandırmalıdır.
