"Güclü Ermənistan" blokunun lideri Samvel Karapetyan Ermənistan parlamentinin spikeri Alen Simonyana qarşı iddia qaldırıb. Erməni mediasının yaydığı məlumata görə, proses hakim Vahaqn Torosyanın sədrliyi ilə İeəvan Mülki Məhkəməsində olacaq. Karapetyan Alen Simonyanın 19 may 2026-cı ildə Facebook və TikTok-da verdiyi açıqlamanın böhtan xarakterli olduğunu deyib. O, deyib ki, Simonyan dediyi sözləri geri götürməlidir. Şikayətdə hüquq-mühafizə orqanlarından "Ermənistanda partiya yaradılmasının və xarici kəşfiyyat zabitinin siyasətdə iştirakının" qanuniliyini qiymətləndirməsi tələb olunur. İddia ərizəsində təkzib Alen Simonyanın Facebook və TikTok səhifələrində heç bir əlavə şərh olmadan və orijinal nəşrlə eyni səviyyədə görünmə ilə dərc edilməsi tələb olunur. Bundan əlavə, Samvel Karapetyan Alen Simonyanın böhtana görə 6 milyon dram təzminat ödəməsini, eləcə də dövlət rüsumları və vəkil haqları da daxil olmaqla hüquqi xərclərin ödənilməsini tələb edir. İradə SARIYEVA

• Ermənistan
• Məhdudiyyət
• Alen Simonyan
• Böhtan
• Samvel Karapetyan