Modern.az saytından verilən məlumata görə, ain.az xəbər verir.
Gürcüstanın Bolnisi rayonunda baş verən dəhşətli qətllə bağlı yeni təfərrüatlar məlum olub.
Modern.az xəbər verir ki, 42 yaşlı qadın 7 yaşlı oğlunu bıçaqlayaraq öldürüb, daha sonra isə intihara cəhd edib.
Məlumata əsasən, hadisə Bolnisi bələdiyyəsinin Dəmirli (Xaxalajvari) kəndində baş verib. Bildirilir ki, qadın özünə də bıçaq xəsarətləri yetirib, lakin həkimlər onun həyatını xilas edə biliblər.
Öldürülən uşağın 7 yaşlı Fərrux Əhmədov olduğu, cinayətdə ittiham olunan şəxsin isə Svetlana Əhmədova olduğu bildirilib. Qadının Azərbaycan vətəndaşı olduğu qeyd edilib.
Mövcud məlumata görə, hadisədən sonra ailə üzvləri baş verənləri gizlətməyə çalışsalar da, məlumat qısa müddət sonra ictimailəşib.
Gürcüstan Daxili İşlər Nazirliyindən bildirilib ki, qadın saxlanılıb. Faktla bağlı Gürcüstan Cinayət Məcəlləsinin yetkinlik yaşına çatmayan şəxsin ağırlaşdırıcı hallarda qəsdən öldürülməsini nəzərdə tutan 109-cu maddəsi ilə istintaq aparılır.
Yerli media qadının psixoloji problemlərinin olduğu barədə məlumat yayıb. Bununla bağlı rəsmi qurumların açıqlaması isə hələlik yoxdur.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
